«Аэрофлот» авиакомпанияси Шереметево аэропортида Sukhoi Superjet самолёти ҳалокати оқибатида ҳалок бўлганлар оиласига 5 миллион рубль, жароҳатланганлар оиласига 2 миллион рубль, шифохонага ётқизилмаган йўловчиларга эса 1 миллиондан товон пули тўлайди. Бу ҳақда «РИА Новости» хабар берди.
« СU1492 рейсининг шифохонага ётқизилмаган йўловчиларига бир миллион рублдан, фожиа оқибатида шифохонага ётқизилган йўловчиларга икки миллион рубль ва ҳалок бўлган йўловчилар оиласига эса беш миллиондан товон пули тўлаш ҳақида қарор қабул қилинди», — дейилади «Аэрофлот» хабарида.
5 май куни Москва шаҳридан Мурманск шаҳрига йўл олган Sukhoi Superjet 100 самолёти парвоздан 28 дақиқа ўтиб Шереметево аэропортига шошилинч тарзда қайтган. Самолёт ноқулай об-ҳаво шароити туфайли иккинчи уринишда аэропортга қўнган.
Қўниш жараёнида самолётнинг двигатели алангаланди. Ҳалокат оқибатида 41 киши ҳалок бўлди.
Россия тергов қўмитаси маълумотларига кўра, ҳалокат оқибатида самолёт бортида бўлган 78 кишидан 37 нафари, хусусан беш нафар экипаж аъзосидан тўрт нафари ва 33 нафар йўловчи омон қолган.
Ҳодиса қурбонлари оила аъзоларига ва жабрланувчиларга товон пули бугун, 7 майдан бошлаб тўлана бошлайди.
Изоҳ (0)