Вазирлар Маҳкамасининг «Вазирлар Маҳкамасининг «Олий таълим муассасаларига ўқишга қабул қилиш, талабалар ўқишини кўчириш, қайта тиклаш ва ўқишдан четлаштириш тартиби тўғрисидаги низомларни тасдиқлаш ҳақида» 2017 йил 20 июндаги 393-сон қарорига ўзгартириш ва қўшимчалар киритиш тўғрисида»ги 360-сонли қарори билан қинғир йўл билан ўқишга кирган абитуриентлар масалага ҳам ойдинлик киритилди. Бу ҳақда ҳуқуқшунос Хушнудбек Худайбердиев ёзмоқда.
«Олий таълим муассасалари талабалари ўқишини кўчириш, қайта тиклаш ва ўқишдан четлаштириш тартиби тўғрисида»ги низомга қўшимча киритилди ҳамда талабани ОТМдан четлатишга асос бўладиган ҳолатлар рўйхати қуйидаги банд билан тўлдирилди:
«з) суд қарорига кўра кириш имтиҳонларида белгиланган тартибни бузганлиги аниқланганда (ушбу ҳолатда талабалар сафидан четлаштирилганлар талабалар сафига қайта тикланмайди);»
Шунингдек, талабани ОТМдан четлатиш тартибига яна бир кичик ўзгариш киритилди, яъни эндиликда талаба ОТМнинг одоб-ахлоқ қоидаларини бузган бўлса ҳам, уни талабаликдан четлатиш мумкинлиги белгиланди. Илгари мазкур бандда фақат ўқув интизоми ва ички тартиб-қоидалари саналган эди.
Изоҳ (0)