2019 йил кузида Тошкент халқаро инвестиция форумини ўтказилади. Бу Президентнинг «Республика иқтисодиётига тўғридан-тўғри хорижий инвестицияларни жалб қилиш механизмларини янада такомиллаштириш чора-тадбирлари тўғрисида»ги қарорида кўзда тутилган.
Қарор билан Тошкент халқаро инвестиция форумига тайёргарлик кўриш ва уни ўтказиш бўйича бош вазир Абдулла Арипов раҳбарлигида ташкилий қўмита тузилди, чора-тадбирлар режаси тасдиқланди.Ташкилий қўмитага зарур ҳолларда халқаро инвестиция форумини молиявий, юридик ва ахборот жиҳатдан таъминлаш учун етакчи хорижий компанияларни жалб қилиш ҳуқуқи берилди.
Инвестициялар ва ташқи савдо вазирлиги ҳузуридаги Хорижий инвестицияларни жалб этиш агентлигига:
2019 йил давомида мунтазам равишда йирик халқаро бизнес ва молиявий хабларга мақсадли аудитория учун мўлжалланган тақдимотлар билан ташриф буюрган ҳолда Road Show дастурларини ишлаб чиқиш ва тақдим этиш;
Ўзбекистонда инвестициявий резидентлик тўғрисидаги низом лойиҳасини ишлаб чиқиш ва Вазирлар Маҳкамасига киритиш;
Халқаро бизнес аренада Ўзбекистоннинг ижобий имижини илгари суриш бўйича Invest in Uzbekistan ягона, мувофиқлаштирилган ахборот кампаниясини ишлаб чиқиш топширилди.
Изоҳ (0)