28 апрель куни Тожикистон мудофаа вазирлигининг Фахробод полигонида Ўзбекистон ва Тожикистон мудофаа идораларининг разведка бўлинмалари ҳарбий хизматчиларининг тўрт кунлик ҳарбий ўқув машғулотлари якунланди. Бу ҳақда «ASIA-Plus» хабар берди.
Ўзбекистон ва Тожикистон ҳарбийлари террорчилик гуруҳларига қарши тун-у кун курашиш бўйича ҳамкорлик масалаларини ишлаб чиққан.
«Ўқув машқлари давомида ҳар икки мамлакатни ҳарбий хизматчилари ўзаро тажриба алмашган, ҳозирда Марказий Осиё давлатлари учун энг долзарб масалалардан бири бўлган терроризм хавфини аниқлаш ва уни бартараф этиш бўйича ҳамкорликда ҳаракат қилиш тажрибасига эга бўлди», — дейилади хабарда.
Ҳар икки мамлакатнинг офицер ва сержантлари биргаликда ўз малакаларини оширган ва тоғ тайёргарлиги, дала шароитида биринчи тиббий ёрдам кўрсатиш ва бошқа соҳаларда ўз билимлари билан бўлишган.
Эслатиб ўтамиз, ўтган йилнинг сентябрь ойида Тожикистон ҳудудида илк бор «Жанговар ҳамдўстлик—2018» Ўзбекистон—Тожикистон махсус бўлинмалари ўртасида қўшма машғулот ўтказилган эди.
Изоҳ (0)