Аввал хабар берганимиздек, Ўртачирчиқ туманида Бухородан зиёратдан қайтаётган ва салонида 53 нафар йўловчиси бўлган Mersedes русумли автобус бетон тўсиққа урилганди.
Ҳодиса оқибатида 7 киши жароҳатланиб, 2 нафари Ўртачирчиқ тумани шифохонасига, 5 нафари Республика тез тиббий ёрдам илмий марказига етказилган.
ФВВ ахборот хизматига кўра, 2 нафар фуқаро Ўртачирчиқ тумани шифохонасида тиббий кўрикдан ўтказилган. Уларнинг саломатлигига жиддий зарар етмагани боис уйига жавоб берилган.
5 нафар фуқаро Республика тез тиббий ёрдам илмий марказида шифокорлар назорати остида қолмоқда. Уларга барча зарур тиббий ёрдам кўрсатилмоқда.
Изоҳ (0)