Пушти қушлар Қорақалпоғистонга кетма-кет 12 йилдан буён учиб келмоқда. Бу ҳақда «Новости Узбекистана» хабар берди.
Маҳаллий орнитологлар 2014 йил Судочье кўлининг шарқий қирғоғида 7000 фламинго борлигини аниқлаган.
Бу йил ҳам фламинго Мўйноқ туманига яна учиб келди. «Kruz.uz» маҳаллий янгиликлар портали уларнинг видеосини Интаграм’га жойлади.
Судочье кўлига апрель—май ойларида пушти фламинголар уя солгани келади. Маҳаллий орнитологларнинг айтишича, бундай ҳодиса илк бор 12 йил аввал қайд этилган. 2014 йил ўтказилган тадқиқотларда кўлнинг шарқий қирғоғида фламинголарнинг катта тўдаси кузатилган. У ерда 7 мингдан ортиқ қуш ва 3 мингта уя бор эди.
Мутахассисларнинг фикрича, бу ҳолат минтақада экологик туризм ривожланишига ёрдам беради. Бу фикрни шаҳар маъмурияти ҳам тасдиқлаган. Мўйноқ ҳокимлиги кўл бўйида қўриқхона ташкил этиш масаласини кўриб чиқмоқда.
Изоҳ (0)