Тошкент вилоятининг Паркент туманидаги Содиқ Азимов номидаги «Физика – Қуёш» илмий-ишлаб чиқариш бирлашмаси Материалшунослик институтининг «Катта Қуёш печи» мамлакатимиздаги энг ноёб объeктлардан бири ҳисобланади. Бу ҳақда «Дарё»га журналист Манзура Бекчонова маълум қилди.
«Катта Қуёш печи» автомат бошқарув тизимига эга мураккаб оптик-механик комплексдир. Бундай иншоот дунёда иккита бўлиб, Франция ва Ўзбекистонда мавжуд. Жаҳондаги бошқа қурилмаларнинг қуввати ва энергия зичлиги жуда паст.
Бир неча йил олдин бу стратегик объект ёпиқ ҳисобланган. Ҳозир мазкур ҳудудда илмий туризм йўналиши ривожлантирилмоқда. Объект ҳамма учун очиқ бўлиб, туристлар, талабалар, ички сайёҳлар бемалол келиб, томоша қилиши, ўрганиши мумкин.
Материалшунослик институти катта илмий ходими Йўлдош Собировга кўра, «Катта Қуёш печи» денгиз сатҳидан 1100 метр юксакда жойлашган. Қурилма учун тоғли ҳудудда ер майдони портлатилиб, 30 метр чуқурликда темир-бетондан пойдевор қўйилган. Концентратор ва технологик минора жойлашган иншоотнинг баландлиги 60 метр. Унинг тепасига лифт ёрдамида чиқилади.
Изоҳ (0)