«Адлия ахбороти» брифингида Адлия вазирлиги ва Мактабгача таълим вазирлиги ҳамкорлигида «сирли мижоз» тадбирлари ўтказилиши айтилди. Бу ҳақда «Дарё» мухбири хабар берди.

«Сирли мижоз» тадбири Адлия вазирлиги ва Мактабгача таълим вазирлиги ўртасида имзоланган қўшма кўрсатмага асосан ташкил этилади. Давлат хизматлари марказлари орқали мактабгача таълим муассасасига йўлланма бериш жараёнини ўрганадиган «сирли мижоз» тадбирлари мунтазам ўтказиб борилади.

Тадбирда олдиндан келишилган шахс гўёки «мижоз» бўлиб боғчага кириб боради ва ушбу жараёнда ноқонуний ҳолатларни фош этади.

Шунингдек, қўшма кўрсатмада боғчаларнинг санитария қоидалари ва нормативларга мувофиқлиги, ходимларнинг интизоми, тушумларни мақсадли йўналтирилганлигини ўрганиш каби тадбирлар ҳам ўтказилиши назарда тутилган. Коррупцияни олдини олиш ва ходимлар масъулиятини оширишга ёрдамлашувчи ишчи гуруҳ шакллантириш белгиланган.