АҚШ олимлари ўлик ҳайвоннинг миясини қисман тирилтиришга муваффақ бўлди

Америкалик олимлар чўчқалар сўйилгандан ўн соат ўтгач унинг миясини қисман тиклади, дея хабар беради «BBC».

Йель университети олимларининг тажрибаси Альцгеймер касаллигини ўрганишга ёрдам бериши мумкин.

Тадқиқот ҳаёт ва ўлим ўртасидаги чегара ҳақидаги саволларни кўтариб, юрак тўхтагандан сўнг бир неча дақиқада мия ўлиши ҳақидаги тахминларни шубҳа остига қўяди.

Ҳайвон сўйилгандан сўнг тўрт соатдан сўнг унинг мияси олинган ва юракнинг қисқариши имитация қилинган ҳолда унга махсус суюқлик юборилган. Ушбу аралашма таркибида мияни кислород билан тўйинтирадиган сунъий қон ва дорилар бўлган. Бу эса мия ҳужайраларининг ўлимини қисқартириш ва ҳатто орқага қайтаришга мўлжалланган.

Тадқиқотга кўра, ҳайвоннинг боши олинганидан ўн соат ўтгач, олимлар мия ҳужайраларининг ўлимини қисман қисқартиришга муваффақ бўлган, улар ҳайвоннинг бош мияси дориларга қисман реакцияга киришганига ва нейронлар ўртасида қисман алоқа ўрнатилишига эришган.

Шунингдек, миянинг кислород истеъмоли даражаси соғлом ҳолатга мос келган.