Европа Чемпионлар Лигасининг 1/4 финалида «Аякс»га мағлуб бўлиб (1:1, 1:2), мусобақа билан хайрлашган «Ювентус»нинг акциялари нархи бир кечада сезиларли даражада пасайиб кетди.
Football Italia’нинг хабар беришича, 16 апрель куни кечқурун Турин клубининг бир дона акцияси 1,69 еврога баҳоланганди. Аммо эртаси куни тонгда 1,30 еврога тушиб кетган.
Bloomberg берган маълумотга кўра, айни дамда клубнинг акциялари қиймати секин-аста тикланмоқда ва 1,41 еврони ташкил этмоқда. Бу бир кун аввалги нархдан 16 фоиз кам ҳисобланади.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @daryo_sport’га обуна бўлинг!
Изоҳ (0)