Халқ таълими вазирлиги «Kun.uz» сайтида эълон қилинган «Бахмалдаги мактаб ўқувчилари МФЙдан ижарага олинган хоналарда ўқимоқда» номли мақола бўйича расмий ахборот берди.
Маълум бўлишича, мақолада Жиззах вилояти Бахмал туманидаги 29-мактабнинг маҳалла фуқаролар йиғинидан вақтинча олинган деб келтирилган хоналари аслида мактаб балансидаги иккинчи бино бўлиб, маҳалла идораси мактабга тегишли бинодан фойдаланиб келмоқда.
Бино иккита та синфхона ва битта ёрдамчи хонага эга. Мактаблар 11 йиллик таълимга ўтгач, ноқулайликларнинг олдини олиш учун туман халқ таълими бўлими ва мактаб раҳбариятидан мазкур ўқув биносини бўшатиш тўғрисида мурожаатлар бўлганлигига қарамай, маҳалла идораси ҳалигача чиқиб кетмаган.
Мактаб иккита ўқув биносидан иборат бўлиб, биринчи ўқув биноси лойиҳа асосида 2007 йилда қурилган бўлиб, бинода олтита та ўқув синфхонаси, битта кимё-биология лабораторияси ва битта информатика хонаси бор.
Қайд этилишича, туман халқ таълими бўлими шу пайтгача амал қилиб келган Вазирлар Маҳкамасининг қарори билан тасдиқланган Инвестиция дастурини шакллантириш тартибига кўра, таклифни берган. Аммо дастурга киритилмаган.
«Мактабнинг яроқсиз ҳолатга келган спорт зали 2020—2024 йилларга мўлжалланган умумтаълим мактабларининг спорт иншоотларини янгидан қуриш, реконструкция қилиш, мукаммал таъмирлаш ва жиҳозлаш бўйича манзилли дастур доирасига киритилган», — дейилади хабарда.
Изоҳ (0)