10 апрелда Наманган вилояти Норин шаҳридаги «Норин Мото Бике» заводи скутер, мотоцикл ва трицикиллар ишлаб чиқаришни йўлга қўйди. Бу ҳақда «Ўзавтосаноат» АК матбуот хизмати хабар берди.
Ишлаб чиқаришни жорий этиш тўғрисидаги келишув «Ўзавтосаноат» АЖ ва маҳсулот ишлаб чиқариш учун бутловчи қисмлар етказиб берувчи сифатида иш кўрувчи «Lifan Group Co.Ltd» компанияси ўртасида имзоланганди.
Эслатиб ўтамиз, жорий йил 27 февралда заводда велосипедлар ишлаб чиқариш бошланганди. Ушбу лойиҳа Ўзбекистон Республикасининг 2019 йилга мўлжалланган инвестиция дастурига киритилган.
Янги завод 150 нафар маҳаллий аҳолини иш билан таъминлаш имконини беради, келгусида улар сони 500 нафарга етиши кутилмоқда.
Шунингдек, йил охирига бориб, «Норин Мото Бике» МЧЖ ўз маҳсулотларини қўшни мамлакатларга экспорт қилишни режалаштирган.
Изоҳ (0)