Huawei компанияси 2018 йил учун ўзининг йиллик ҳисоботини эълон қилди. Ҳисоботга кўра, 2018 йилда ҳам компания барқарор бизнес ривожланиш тенденциясини сақлаб қолган. Сотувдан олинган даромад 2017 йилга нисбатан 19,5%га ўсиб, жами 721,2 млрд юаннни (105,2 млрд АҚШ доллари) ташкил қилган. Олинган соф фойда эса 59,3 млрд юанга (8,7 млрд АҚШ доллари) тенг бўлган, бу аввалги йилдаги кўрсаткичга нисбатан 25,1%га кўпдир.
2018 йилда Huawei илмий-тадқиқот ва тажриба-конструкторлик ишланмаларига 101,5 млрд (салкам 15 млрд АҚШ доллари) юан миқдорида (сотувдан олинган даромаднинг 14,1 фоизи) сармоя киритиб, «2018 йилда Европа Иттифоқида илмий-тадқиқот ва тажриба-конструкторлик ишланмаларига ажратилган соҳавий инвестициялар жадвали«да жаҳон бўйича бешинчи ўринни эгаллади. Сўнгги ўн йил давомида илмий-тадқиқот ва тажриба-конструкторлик ишланмаларига ажратилган Huawei харажатлари 480 млрд юандан ортган (70 млрд АҚШ доллари). Расмий маълумотларга қараганда, 2018 йилда Huawei Бутунжаҳон интеллектуал мулк ташкилотига 5405 та патент аризасини топшириб, бу борадаги дунё рейтингида биринчи ўринни банд қилди.
Йиллик ҳисоботни тақдим этаркан, Huawei директорлар кенгашининг амалдаги раиси Го Пин шундай деди: «Ахборот-коммуникация технологиялари барча соҳаларга жадаллик билан кириб келмоқда. Бутун дунё рақамли интеллектуал технологияларга ўтмоқда, рақамли иқтисодиёт ривожланишда давом этяпти. Инновацион 5G технологиялари ва уларнинг кенг миқёсда татбиқ этилишига сарфланган узлуксиз ва дадил инвестициялар туфайли, Huawei компанияси жаҳондаги аъло тармоқ алоқасини йўлга қўйиш имкониятига эга бўлди. Huawei амалда қўлланилаётган барча стандартларга амал қилиш, хавфсиз, ишончли ва юқори сифатли маҳсулотларни яратишда давом этади. Ушбу мақсад йўлида ахборот хавфсизлиги ва фойдаланувчилар шахсий маълумотларини ҳимоялаш – бизнинг бирламчи вазифамиз эканлигини ишонтириб таъкидлаймиз. Huawei билан ҳамкорлик қиладиган компаниялар 5G асрида сезиларли даражада рақобатбардош бўладилар. Huawei компанияси билан ўзаро ҳамкорликни йўлга қўйган мамлакатлар рақамли иқтисодиётнинг келгуси босқичида муайян устунликларга эга бўладилар».
Го Пиннинг таъкидлашича: «Қалъани ишғол қилишнинг энг оддий усули – ичкаридан ҳужум қилишдир. Уни мустаҳкамлашнинг энг оддий усули эса ташқаридан таъсир кўрсатишдир. Биз чалғитувчи омиллардан қутулиш, бошқарувни такомиллаштириш ва бизнинг стратегик мақсадларимиз томон ҳаракат қилиш учун қўлимиздан келган барча чораларни кўрамиз. Биз фаолиятдаги юқори стандартларга риоя қилиш, бизнес-жараёнларнинг узвийлиги ва барқарорлигини таъминлаш ҳамда барча иштирокчиларнинг ҳамкорлиги ва юксалиши учун очиқ экотизимни шакллантиришда давом этамиз. Иш жараёнидаги трансформация ҳамкорларимизнинг рағбати ва фаоллигини янада кучайтиради«.
Huawei компанияси 5G ва SoftCOM AI сингари энг янги ечимларни тақдим қилган ҳолда уларнинг ишлатилиши ва хизмат кўрсатилишини сезиларли тарзда соддалаштирди. 2018 йилда биз юқори тезликдаги кенг полосали уй алоқаси ва «Буюмлар интернети»ни (IoT) янада такомиллаштирдик; мазкур технологиялар операторларга ўз соҳаларида ривожланиш учун янги имкониятлар эшигини очди. 2018 йилда Huawei хизматлар сотувидан 294 млрд юан (аввалги йил билан деярли бир хил) даромад олди.
Корпоратив бизнес учун Huawei булутли ҳисоблашлар, йирик маълумотлар, сунъий интеллект (CI) ва IoT йўналишидаги ишланмаларни таклиф қилди, шунингдек, маълумотларни қайта ишлаш марказлари, мълумотларни сақлашга ихтисослашган All-Flash тизими ва Wi-Fi қурилмалари учун бир қатор маҳсулотларни ишлаб чиқди. Мазкур технологияларни ўзининг рақамли платформасига интеграциялаган ҳолда, Huawei «ақлли шаҳар«, «хавфсиз шаҳар« ва «хавфсиз кампус« тизимларини ишлаб чиқиш, шу билан бирга, рақамли технологияларни молия, транспорт ва энергетика соҳаларига жорий қилиш жараёнларини осонлаштирди. 2018 йилда Huawei компаниясининг корпоратив бизнес йўналишидаги сотувлардан олган даромади 74,4 млрд юанга (салкам 11 млрд АҚШ доллари) тенг бўлди (аввалги йилга нисбатан 23,8%га юқори).
Булутли бизнес соҳасидаги эса Huawei 160 та булут сервисларини ишга туширди ва 140 та ишланмани амалга татбиқ этди. Ҳамкорлар билан биргаликда компания бугун жаҳон бўйлаб 23 та минтақада 40 та ишлаш мумкин бўлган ерларда мижозларга хизмат кўрсатилишини таъминлади. Huawei мазкур жабҳадаги ҳамкорлар сонини 6000 тага етказди ва SI хизматларини ўнта асосий соҳа доирасида 200 дан ортиқ лойиҳаларда қўллашни режалаштирмоқда.
Истеъмол бизнеси йўналишида эса Huawei жаҳон смартфонлар бозоридаги улушини оширди ва юқори сегментдаги қурилмаларининг позицияланишини янада яхшилади. Компания ушбу қурилмалардан фойдаланишга доир барча вариантлар учун интеллектуал экотизимни яратишдан тўхтамаяпти. 2018 йилда Huawei компаниясининг истеъмол бизнесидан олган даромади 348,9 млрд юанга (51 млрд АҚШ доллари) етиб, ўтган йил билан солиштирганда 45,1 фоизга ортди.
2018 йил учун чиқарилган молиявий ҳисоботдаги кўрсаткичлар «катта тўртлик«даги халқаро аудиторлик фирмаси KPMG томонидан текширилади. Мазкур йиллик ҳисоботни қуйидаги ҳавола орқали юклаб олишингиз мумкин:
1 изоҳ. Йиллик ҳисоботдаги барча кўрсаткичлар 2018 йил якунидаги валюта курси бўича АҚШ долларига ўгирилди: US$ 1,00 = CNY 6,8561
2 изоҳ. Ўсиш суръатлари юандаги кўрсаткичлар асосида келтирилди.
Реклама ҳуқуқи асосида.
Изоҳ (0)