Сурхондарё вилояти, Термиз шаҳрида 5—10 апрель кунлари Халқаро бахшичилик фестивали бўлиб ўтиши ҳақида хабар берилганди.
Журналист Феруз Муҳаммаднинг маълумотига қараганда, Халқаро бахшичилик фестивалининг тантанали очилиш маросими 6 апрель куни Термизнинг Санъат саройи ҳудудида янгидан барпо этилган кўчма саҳна майдонида бўлиб ўтган.
Фестивальда Ўзбекистон Республикаси Президенти Шавкат Мирзиёев, ҳукумат аъзолари, чет эллик меҳмонлар, хорижий ҳамда маҳаллий ОАВ ходимлари иштирок этди.
Тантанали очилиш маросимида Шавкат Мирзиёев нутқ сўзлади.
Маданият вазири Бахтиёр Сайфуллаев, режиссёрлар Баҳодир Йўлдошев ҳамда Рустам Шамсиддиновлар режиссёрлигида саҳналаштирилган маросим, ундаги турфа чиқишлар, рақслар Абдуҳошим Исмоилов бошчилигидаги созандалар кечани унутилмас даражада ўтишига замин ҳозирлади.
Биринчи халқаро бахшичилик фестивали 10 апрелгача давом этади.
Изоҳ (0)