Дональд Трамп АҚШ, Россия ва Хитой қуролланиш харажатларини камайтириш ҳақида келишиб олиши зарурлигини маълум қилди. Бу ҳақда «РИА Новости» хабар берди.
Трамп бу икки давлат билан маблағларни қурол ишлаб чиқаришга эмас, бошқа кераклироқ нарсага сарфлашни таклиф қилган.
«Россия, Хитой ва биз юз миллиардлаб долларга қуроллар, шу жумладан ядро қуролларини ишлаб чиқарамиз. Бу жуда кулгули. Менинг фикримча, Россия ҳам, Хитой ҳам бу мантиқан керак эмаслиги ҳақидаги фикрга қўшилади», — деган Трамп Хитой Бош вазири ўринбосари Лю Хэ билан учрашувда. Сўнг бу масала юзасидан Лю Хэга ўз фикрини билдиришни сўраган.
«Менимча, бу жуда яхши фикр», — деб жавоб берган Лю Хэ.
Трамп бундан аввал АҚШнинг ўрта ва қисқа масофага учадиган ракеталар ҳақидаги шартномадан чиқишини маълум қилган. Лекин Хитойни қамраб олувчи қурол-яроғлар устидан назорат ҳақидаги бошқа келишув ишлаб чиқилишини истисно қилмаган.
Владимир Путин эса 2 февраль куни АҚШнинг ўрта ва қисқа масофага учадиган ракеталарни йўқ қилиш ҳақидаги шартномадан чиқишига жавобан Москва ҳам шартномада иштирокини тўхтатишини маълум қилган.
Изоҳ (0)