Непал жанубида содир бўлган пўртана оқибатида 28 нафардан ортиқ киши ҳалок бўлди, 600 дан ортиқ киши жабрланди деб хабар берди «Интерфакс».
Кучли ёмғир ва шамол оқибатида Непалнинг Бара ва Парса ҳудудларида электр таъминоти тизими бузилган, дарахтлар қулаган, уйлар шикастланган. Шамол таъсирида машиналар ағдарилган.
Қутқарувчилар жабрланганларга ёрдам бериш учун узоқда жойлашган аҳоли пунктларига боришга ҳаракат қилмоқда.
Хабарда айтилишича, қурбонлар сони ортиши мумкин.
Изоҳ (0)