25 март куни Бухорода дунёга келган уч эгизак — Шавкат, Миромон ва Мирзиёнинг онаси Маҳлиё Азимовага Обиддин Маҳмудов қаламига мансуб «Фарзанднома» китоби топширилди. Бу ҳақда «Дарё» мухбири хабар бермоқда.
«Дарё» мухбирининг маълум қилишича, «Фарзанднома» китоби, эртаклар жамланмаси, шунингдек, миллий ўйинчоқларни Бухоро вилояти Ахборот ва оммавий коммуникациялар бошқармаси бошлиғи Гулнора Самиева томонидан совға қилинди.
Вилоят Перинатал маркази директори Насиба Баҳронованинг сўзларига кўра, эгизаклар соғлом туғилган. Шавкат 2 кг 475 грамм, Миромон 2 кг 675 грамм, Мирзиё 2 кг 970 грамм вазн билан туғилган.
Шерзод Ўринов ва Маҳлиё Азимоваларнинг эгизаклардан ташқари 4 ёшли қизи ҳам бор.
Эслатиб ўтамиз, Тошкент ва Қўқон шаҳарларида туғилган Шавкат, Миромон, Мирзиё исмли эгизакларнинг отасига Cobalt, Пахтаобод ва Чироқчи туманларида туғилган эгизакларнинг отасига Spark машиналари совға қилинганди.
Изоҳ (0)