Туркия, Россия, Грузия, Қозоғистон сингари мамлакатларда малака оширган фарғоналик ошпаз Рустам Қурбонов 25 метрлик лаваш тайёрлади, дея хабар берди «Дарё» мобил мухбири.
Рустам Қурбонов Тошкентда тайёрланган 21,5 метрлик, Андижонда тайёрланган 17 метрлик лаваш рекордини янгилади.
Бунинг учун беш килограмм бодринг, беш килограмм помидор, 20 килограмм гўшт, 7,5 килограмм чипс, беш литр соус, 12 литр майонез ҳамда 25 метр лаваш хамири керак бўлган.
Ушбу лаваш тайёрланишини кузатиш мақсадида 500 дан зиёд томошабинлар йиғилган.
Рустам Қурбоновга 25 метрлик лаваш тайёрлаш учун 20 га яқин ёрдамчи ошпазлар керак бўлган. 23 дақиқада тайёрланган катта лавашни мутахассислар ўлчаб кўриб, 24 метр 63 сантиметр эканини аниқлаган
Маълум бўлишича, Фарғона шаҳридаги «Фестиваль бургер» кафесида фаолият олиб бораётган Рустам Қурбонов катта бургер ва пица тайёрлашни режалаштирмоқда.
Изоҳ (0)