Украина президенти Пётр Порошенко талабалик йилларида собиқ Совет Иттифоқининг махсус хизматида ишлаш ниятида бўлган, деб ёзади «РИА Новости».
Бу ҳақда Украина Ташқи разведка хизматининг собиқ раҳбари, армия генерали Николай Маломуж маълум қилган.
Порошенко билан бирга Грузия собиқ президенти, Одесса вилояти собиқ губернатори Михаил Саакашвилининг ҳам махсус хизматда ишлаш мақсади бўлган.
Унинг сўзларига кўра, Киев Халқаро алоқалар институтида ўқиётган пайтдан бошлаб Порошенко ва Саакашвили махсус хизматларда ишлаш учун номзодлар сифатида кўриб чиқилган, улар билан доим алоқада бўлинган ва ҳатто синовдан ҳам ўтказилган.
«Биз уларни охирги давргача ўрганиб чиқдик. Маълумки, кейинчалик Совет Иттифоқи парчаланиб кетган, шундан сўнг охирги босқичларда объектив сабабларга кўра Порошенко махсус хизмат ходимлари кадрлар аппарати стандартларига жавоб бермаган», — дейди у.
«Саакашвили эса барча синовлардан ўтган, бироқ Грузияга қайтгач, сиёсат соҳасини танлаган», — дея қўшимча қилган Николай Маломуж.
Изоҳ (0)