15 март куни Узун тумани Давлат хизматлари маркази учун янги бино ишга тушурилди. Ушбу бино маҳаллий бюджет маблағлари ҳисобидан қуриб битирилди, деб хабар берди Давлат хизматлари агентлиги матбуот хизмати.
Замонавий кўринишга эга бўлган бино, Давлат хизматлари агентлигинг ташриф қоғозига айланган оқ феруза рангларда бўлиб, бино интерьери замонавий дизайн стандартлари асосида безатилган. Бинода ташриф буюрувчилар учун барча қулайликлар яратилган. Хусусан юмшоқ мебеллар билан жиҳозланган шинам кутиш заллари, ёш болали оналар учун мўлжалланган бўлалар майдончаси шулар жумласидандир.
Яна бир диққатга сазовор ҳолат борки, бинода бепул wи-фи зонасидан марказга ташриф буюрадиган фуқаролар беминнат фойдаланиши мумкин.
Бино бўйлаб жойлаштирилган 20 дан зиёд экранларда Давлат хизматлари марказлари томонидан тақдим этиладиган айрим хизматлар тўғрисида ахборот(информацион) роликлар намойиш этилмоқда. Ушбу экранлардан тадбиркорлар ўз маҳсулот ва хизматлари тўғрисидаги реклама роликларини шартнома бўйича жойлаштириш учун ҳам фойдаланишлари мумкин.
Ушбу бинодан фуқарлар Давлат хизматларидан ташқари нотаиус, ФҲДЁ бўйича хизматлардан ҳам фойдаланиш имкониятига эга. Шунингдек, бинода туман халқ қабулхонаси ҳам ўрин олган.
Фуқаролар учун қулайлик яратиш мақсадида бинода бир эмас икки та банк кассаси фаолият юритиши йўлга қўйилмоқда.
Давлат хизматлари марказининг янги биноси 190 минг аҳолига эга Узун туман халқига тезкор, қулай ҳамда шаффоф бўлган 105 турдаги давлат хизматларини кўрсатади. Хизматларни кўрсатиш электрон навбат олиш орқали амалга оширилади.
Янги бино ишга туширилгандан сўнг Узун туман Давлат хизматлари маркази бир кунда 700 дан ортиқ фуқароларга давлат хизматлари кўрсата олади.
Изоҳ (0)