Халқ таълими вазирлиги «Ўқитувчи мақоми тўғрисида»ги қонун лойиҳасини қўллаб-қувватлаш учун ижтимоий акция ташкиллаштирди. Бу ҳақда вазирлик ахборот хизмати хабар берди.
Жумладан, Тошкент кўчаларида ҳаракатланаётган жамоат транспортида ўқитувчи касбини улуғловчи ижтимоий рекламалар пайдо бўлди.
Ушбу ҳужжат ўқитувчи фаолияти билан боғлиқ ҳуқуқий, ижтимоий ва иқтисодий алоқаларини белгилайди. Қонун лойиҳасида таълим муассасаларида ўқитувчиларининг ҳуқуқий мақомини такомиллаштириш, уларни ижтимоий ҳимоя қилиш ҳамда зарур шарт-шароитлар яратилишига эътибор қаратилган.
Мазкур ҳужжат ўқитувчининг ҳуқуқ ва вазифаларини белгилайди. Шунингдек, ўқитувчиларни тайёрлаш ва қайта тайёрлаш масалаларини тартибга солади.
Қонун лойиҳасида таълим муассасаларида ўқитувчиларни мажбурий меҳнатга жалб қилиш, ободонлаштириш, металл парчалари ва чиқиндиларни йиғиш, шунингдек, қишлоқ хўжалигида мавсумий ишларни ва шу каби бошқа ишларга жалб этишга йўл қўйилмаслиги белгиланган.
Изоҳ (0)