АҚШ Штаб бошлиқлари раиси генерал Жозеф Данфорд Пентагоннинг Сурияда минглаб ҳарбийларни қолдиришга қарор қилгани ҳақидаги хабарларни рад этди, деб хабар берди «ТАСС».
Аввалроқ, Wall Street Journal газетаси Туркиянинг чегарани кесиб ўтиб, курдларга ҳужум қилиши таҳдидига қарамай, курд кучлари билан ишлашни давом эттириш мақсадида минглаб АҚШ ҳарбийларининг Сурияда қолиши ҳақида маълум қилган.
«Февраль ойида эълон қилинган қарорга ҳеч қандай ўзгартириш киритилмаган ва биз АҚШ ҳарбийларини доимий дислокация ҳудудидан олиб чиқиб кетиш ҳақида президент кўрсатмаларини бажаряпмиз», — деб таъкидлаган Данфорд.
АҚШ ва унинг иттифоқчилари 2014 йилдан буён Сурияда ҳукумат рухсатисиз ИШИДга қарши амалиёт ўтказиб келмоқда. Дональд Трамп 2018 йил охирларида қўшинларни Суриядан олиб чиқиб кетиш ҳақида маълум қилган. Февраль ойида президент маъмурияти бунга аниқлик киритиб, 200 нафарга яқин ҳарбий Суриянинг шимоли-шарқий қисмида ва яна шунчаси Манбиж шаҳрида қолдирилишини айтган.
ИШИД экстремистик гуруҳи жаҳоннинг бир қатор мамлакатлари ва халқаро ташкилотлар томонидан «террорчилик ташкилоти» деб топилган.
Изоҳ (0)