Швеция прокуратураси Telia компаниясининг собиқ директори Ларс Ньюбергга нисбатан Ўзбекистондаги коррупция иши бўйича чиқарилган оқлов қарори устидан арз қилади, деб хабар берди Spot.
2007—2013 йилларда Telia’га раҳбарлик қилган Ньюберг февраль ойи ўртасида оқланди. У ва Telia’нинг икки собиқ менежери 2007—2010 йилларда Ўзбекистондаги компанияни пора бериш эвазига сотиб олганликда айбланган эди. Уларнинг уччаласи ҳам ўзининг айбсиз эканлигини маълум қилган.
Прокурорлар ушбу компания Гулнора Каримовага алоқадор эканлигини таъкидламоқда.
Судья Томас Зандер Гулнора Каримова расмий равишда телекоммуникация соҳасидаги бирор-бир лавозимни эгалламагани учун айбловни асоссиз деб топди.
Прокурор Гуннар Стетлер ўшанда апелляция ҳақидаги қарор кейинроқ қабул қилинишини маълум қилган эди.
Telia Ўзбекистондан 2018 йилнинг охирида кетди, ўшанда компания ўзининг Ucell’даги улушини 215 миллион долларга сотган эди.
Изоҳ (0)