Наманган шаҳридаги Адиблар хиёбонида «Наманганни энг китобхон вилоятга айлантирамиз» номли йирик тадбирга старт берилди. Бу ҳақда «Наманганская правда» хабар бермоқда.
«Давлат раҳбари ташаббуси билан бу йил бизга 1 миллионта китоб совға қилинади. Бепул. Яна вилоятдаги спорт мактабларига спорт инвентарлари, болалар муси қа ва санъат мактабларига янги мусиқа созлари ҳам», — деди вилоят ҳокимининг ўринбосари Фахриддин Маткаримов.
Президент маслаҳатчиси ўринбосари Фарҳод Маҳмудов вилоят ҳокими ўринбосарига Наманган 1 миллионта китобни совға сифатида қабул қилиб олиши тўғрисидаги сертификатни топшир ди.
25 минг нусхадаги бадиий адабиётларнинг биринчи туркуми Наманганга етказиб келинди. Ёзувчилар уюшмаси ва Ёшлар Иттифоқи вакиллари уларни мактаб кутубхоналарига тақдим этади.
Шунингдек, вилоятдаги ҳар бир шаҳар-туманда ўнтадан намунали кутубхона иш бошлайди.
Изоҳ (0)