Нью-Йорк штатидаги Саффолк полициясининг хабар беришича, Лонг-Айленд трассаси орқали 2 миллион доллар олиб ўтаётган зирҳланган юк машинаси тасодифан ерда ётган тўшакка дуч келди. Бу ҳақда «ForumDaily» хабар берди.
Тўшак машинанинг ўқига айланиб, эҳтимол ерга ишқаланиш оқибатида ёниб кетган.
GardaWorld зирҳли юк машинасининг ҳайдовчиси охирги сониягача йўлда тўшакни кўрмаган. Воқеа жойига келган зобитлардан бирининг сўзларига кўра, автомобиль Лонг-Айленд-Сити шаҳридаги базаси томон ҳаракатланаётган бўлган.
Автомобиль ичидаги уч нафар ходим автомобилининг соат 20:30 лар атрофида тутаётганини пайқаган. Нима бўлганини кўриш учун ташқарига чиққанида, автомашинанинг пастки қисмида алангани кўрган.
Уларнинг уччаласи ҳам машина портлаб кетишидан қўрқиб ташқарига чиққан, ўт ўчирувчилар етиб келгач ёнғин беш дақиқада бартараф этилган. Автомобиль ичидаги пулларга зиён етмаган.
Полиция ходимларининг тахминларига кўра, тўшак ундан бирор автомобиль юкхонасидан тушиб қолган.
Изоҳ (0)