Жорий йилнинг 22 февраль куни Тошкент вилоятининг Қибрай туманида жойлашган вилоят электр тармоқларига қарашли электр станциясида ёнғин содир бўлганлиги сабабли сув узатиш қурилмалари (насос) иши тўхтаган. Бу ҳақда Тошкент шаҳар ҳокимлиги матбуот хизмати маълум қилди.
Шу боис Тошкент шаҳри туманларида сув босимининг пасайиши ва айрим туманларда узилишлар содир бўлиши мумкин.
Ҳозирда ёнғин бартараф этилиб, таъмирлаш ишлари олиб борилмоқда.
Юзага келган ноқулайликлар учун шаҳар ҳокимлиги узр сўраган.
Изоҳ (0)