Telegram-каналларда актёр Муҳаммадисо Абдулхаиров қаҳвахоналардан бирида бургер туфайли «жанжал кўтаргани» акс этган видео тарқалди. Бу ҳақда Sputnik хабар бермоқда.
Видео мобил телефон камерасига олинган. Унда актёр ўзи ўтирган жойдан бирданига туриб, қаҳвахона ходимларини сўроқ-саволга тутаётгани акс этган.
«Ким бу чизбургерни тайёрлади? Бош ошпаз ким ўзи?» дея дағдаға қилган актёр.
Бургерни ким тайёрлаганини билгач эса, «Гап йўқ, зўр тайёрлабди» деб кулиб, уни мақтаб қўяди.
Қаҳвахонага келган мижозларга Абдулхаировнинг ҳазил-мутойибаси маъқул келди, улар актёрга қарсак чалишни ҳам унутишмади.
Изоҳ (0)