«РОБО CODERS—2019» жорий йилнинг 4 февралидан бошлаб ёшлар ўртасида робототехника оид масалаларни ишлаш бўйича танлов ўтказмоқда, деб ёзади Мирзо Улуғбек инновацион маркази матбуот хизмати.
Танловда 15 ёшдан 30 ёшгача бўлган барча ёшлар иштирок этмоқда. Танловда иштирок этиш учун мантиқий математик масалалар ечими учун кодлар ёзиш қобилиятига эга бўлиш талаб этилади.
Танловнинг биринчи босқичи 2019 йил 17 февралда ўказилган бўлиб, унда иштирокчиларга робототехникага оид мантиқий ҳисоб-китоблар ва алгоритмларга оид топшириқлар берилган.
Алгоритмларнинг ўзига хослиги ва топшириқни ишлаш учун сарфланган вақтга қараб финал босқичига ўтган иштирокчилар robotcslab.tuit.uz тизими орқали аниқланган ва улар орасида 50 нафар иштирокчи финал босқичи учун сараланган.
Иккинчи — якуний босқич 24 февраль куни Муҳаммад ал-Хоразмий номидаги Тошкент ахборот технологиялари университетида бўлиб ўтади.
Танлов Ўзбекистон Президенти ҳузуридаги Лойиҳа бошқаруви миллий агентлиги кўмагида ўтказилмоқда.
Изоҳ (0)