«Юксалиш» умуммиллий ҳаракати нодавлат нотижорат ташкилоти ва унинг ҳудудий бўлинмалари фаоилиятини ташкил этиш чора-тадбирлари тўғрисидаги ҳукумат қарори қабул қилинди. Бу ҳақда «Ҳуқуқий ахборот» канали маълум қилди.
Қарорга мувофиқ, давлат бошқарув органлари, ҳокимликлар ўз фаолиятини «Юксалиш» ҳаракатининг мустақиллиги ва унинг фаолиятига аралашмаслик тамойилларига қатъий риоя қилган ҳолда ҳамкорликда амалга оширади.
«Юксалиш» ҳаракати раиси мақоми, тиббий ва транспорт таъминоти шарт-шароитларига кўра вазирга тенглаштирилади.
«Юксалиш» ҳаракатининг ҳудудий бўлинмаларини зарур техника билан таъминлаш маҳаллий бюджетлар ҳисобидан амалга оширилади.
Эслатиб ўтамиз, «Юксалиш» умуммиллий ҳаракатининг раиси этиб бундан аввал «Тараққиёт стратегияси» маркази директори лавозимида фаолият юритиб келган Акмал Бурханов сайланган эди.
Изоҳ (0)