Қозоғистон бензин экспорт қилишни бошламоқда. Бу ҳақда Қозоғистон энергетика вазири Қанат Бозумбаев 14 февраль куни Сенатнинг ялпи мажлисида маълум қилди, деб ёзади Spot.
Таъкидланишича, бу йил 500 дан 650 минг тоннагача бензин ортиқча бўлади.
«Бу профицит жорий йилнинг биринчи ойидан бошлаб сезилди, бунинг натижасида январь ва февраль ойларида нефтни қайта ишлаш заводларида қайта ишлаш ҳажмини бироз қисқартирдик», — дейди Қанат Бозумбаев.
Унинг сўзларига кўра, экспорт бошланиши биринчи чоракнинг охирига тўғри келади. Келгусида мамлакатнинг бир йил мобайнида ишлаб чиқарилган қайта ишлаш ҳажмлари ҳисобга олиниши кутилмоқда.
2019 йил бошида Ўзбекистон Қозоғистон билан бензин импорт қилиш бўйича музокаралар бошлагани маълум бўлди. Йилига 1,2 млн тонна бензин экспорт қилиниши кутилмоқда.
Изоҳ (0)