Жиноят ишлари бўйича Самарқанд туман судининг сайёр суд мажлисида «Ипакчи» маҳалла фуқаролар йиғини раисини ҳақоратлаган фуқаро Сирожиддин Тошмаматовнинг жиноят иши кўриб чиқилди. Судья Д.Нуралиев раислигида ўтказилган суд мажлисида жабрланувчи, судланувчи ва гувоҳларнинг сўзлари тингланди.
Маълум бўлишича, Сирожиддин Тошмаматов «Ипакчи» МФЙ маъмурий биносига келиб, умум эътироф этилган одоб-ахлоқ қоидаларига зид равишда хатти-ҳаракатлар содир қилиб, «Ипакчи» МФЙ раиси Зулхумор Ғоибовани уятли сўзлар билан ҳақоратлаган. Фуқаро бу ҳаракатларни содир этаётган вақтда маст ҳолатда бўлган.
Сирожиддин Тошмаматов Ўзбекистон Республикаси Жиноят Кодексининг 140-моддаси 3-қисми «а» банди (жабрланувчини ўз хизмат ёки фуқаролик бурчини бажариши муносабати билан боғлиқ ҳолда ҳақорат қилиш) назарда тутилган жиноятни содир этганликда айбли деб топилиб, ҳар ойлик иш ҳақининг 20 фоизини давлат даромадига ушлаб қолинган ҳолда, 2 йил ахлоқ тузатиш ишлари жазоси тайинланди.
Изоҳ (0)