Наманган шаҳридаги Қўқимбой шоҳкўчасининг Нуробод даҳасидан ўтувчи қисмида ёритиш тизими ишдан чиққани сабаб кўча тунда ниҳоятда қоронғи бўлади. Бу ҳақда ЎзА хабар берди.
Аммо шаҳар чегарасидан Косонсойга ўтилиши билан яна ёруғ. Ушбу муаммоли масала аҳоли ва йўловчиларда ўринли эътирозлар туғдирмоқда.
— Кўчамизда ёритиш тизими умуман ишламайди, – дейди фуқаро Неъматжон Асқаров. — Йўналишда транспорт серқатнов. Йўлнинг қоронғилиги ҳудудда йўл-транспорт ҳодисалари содир бўлишига сабаб бўлмоқда.
Шаҳардаги бундай зим-зиёликни Фарғона ҳалқа йўлининг «Дамбоғ» ҳудудида ҳам кўриш мумкин.
Ушбу масала юзасидан «Наманганавтойўл» бошқармаси мутасаддиларига мурожаат қилинганида «Йўл бизга қарашли, аммо ёритиш ишлари шаҳар ободонлаштириш бошқармасининг зиммасида», дея жавоб беришди. Шаҳар ободонлаштириш бошқармаси мутасаддилари эса, аксинча, «Наманганавтойўл» бошқармаси ёритиш тизимига масъул», дейишди.
Икки ташкилот ўртасида рўй бераётган сансоларликдан аҳоли азият чекмоқд
Изоҳ (0)