5 февраль куни Хитойнинг жануби-ғарбий қисмида пиротехника сотиладиган дўкон портлаши оқибатида содир бўлган ёнғинда беш киши ҳалок бўлди, деб хабар берди «ТАСС».
Ҳодиса Жунъан уездида Хитойда ой тақвими бўйича Янги йил байрами нишонланувчи 4 февралдан 5 февралга ўтар кечаси содир бўлган.
Пиротехника сотиладиган дўконлардан бирида содир бўлган портлаш ёнғинга олиб келган ва 290 квадрат метр майдон ёниб кетган.
Ўт ўчирувчилар тонгги учгача ёнғинни ўчиришга ҳаракат қилган.
Ёнғин содир бўлган дўкон ва унинг атрофида ёниб кетган қўшни бинолардан беш кишининг жасади топилган.
Дастлабки текширувлар натижасида аниқланишича, дўкон пиротехника воситалари сотиш учун лицензияга эга бўлмаган. Портлаш эса дўкон олдида петарда ишлатишда ёнғин хавфсизлиги қоидасига риоя этилмаганлиги оқибатида содир бўлган.
Изоҳ (0)