Дубай шайхи Муҳаммад ибн Рашид ал Мактум иш жойларида гендер тенглигини ривожлантирганлик учун бериладиган давлат мукофотини топширди. 2018 йил учун мукофотлар фақат эркакларга топширилган. Бу ҳақда TJournal хабар берди.
Сертификатлар ва медаллар бир нечта номинацияда топширилган: «Гендер тенглигини қўллаб-қувватловчи энг яхши давлат органи», «Гендер тенглигини қўллаб-қувватловчи энг яхши федерал орган», «Гендер тенглиги соҳасида энг яхши ташаббус». Мукофотлар молия вазирлиги, рақобат ва статистика бўйича федерал бошқарма ва инсон ресурслари вазирлигига насиб этган. Бош вазир ўринбосари ҳам «Гендер тенглигини қўллаб-қувватлаш бўйича йил одами» мукофотини қўлга киритган.
БААда 2015 йилдан буён давлат муассасаларига иш жараёнида гендер тенглигини таъминлаш бўйича маълум натижага эришганлик учун йўналтириладиган мукофот пули мавжуд.
БМТ Тараққиёт дастурининг статистикасига кўра, 2015 йилда БАА меҳнат бозорида 135 минг нафар аёл киши бўлган, 1975 йилда эса бу кўрсаткич атиги минг кишини ташкил қилган. 2018 йилда ўтказилган тадқиқотлар мамлакат гендер сиёсатининг ривожланиш даражаси бўйича Форс кўрфази давлатлари орасида биринчи ўринда эканлигини кўрсатган.
Изоҳ (0)