Греция парламентида Скопье билан Македония Республикасининг қайта номланиши юзасидан келишув бўйича овоз бериш бўлиб ўтди. Бу ҳақда «Газета.ru» хабар берди.
Таъкидланишича, шартномани ратификация қилиш учун 300 нафар депутатдан 153 нафари овоз берган, 146 киши қарши чиққан, бир киши овоз бермаган.
Қайд этилишича, овоз берганларнинг кўпчилиги, 145 нафар депутат, ҳукмрон СИРИЗА партияси аъзолари ҳисобланади.
2018 йилнинг 17 июнида Афина ва Скопье Македония Республикасининг Шимолий Македония Республикаси деб қайта номланиши ҳақида келишувни имзолаган. Грецияда баъзи кишилар фақат мамлакат шимолидаги тарихий ҳудуд аҳолисини македонияликлар деб аташ мумкин, қўшни давлат аҳолиси эса бундай аталмаслиги керак, деб ҳисоблайди.
Келишувга қарши бўлганлар Македонияда ҳам мавжуд. Аҳолининг бир қисми шартнома халқнинг миллий ўзлигини бузади, деб ҳисоблайди.
Изоҳ (0)