Қозоғистон ўз автомобиль брендини яратиш йўлида дастлабки ишларни бошлаб юборди, деб хабар қилди Sputnik «Казинформ»га таяниб.
«Бу, Ўзбекистоннинг Uz-Daewoo ёки Россиянинг Lada автомобиллари каби, Қозоғистоннинг ўз автомобиль маркаси бўлади. Ушбу йўналишдаги ишлар қачон тугатилишини айта олмайман, лекин Ҳукумат аниқ мақсадни олдимизга қўйди. Асосийси – сармоядорлар ҳам ушбу лойиҳага қизиқиш уйғотмоқда. Яқин келажакда ҳамюртларимизни яхши янгилик билан хурсанд қилсак ажаб эмас», — деди Лаврентьев матбуот анжуманида.
Лаврентьев айтишига қарагандан, Қозоғистон миллий автомобили Хитойнинг Jаc корпорацияси билан ҳамкорликда ишлаб чиқарилиши ҳам мумкин. Компания ушбу лойиҳани ўз маблағидан молиялаштиришга ҳам тайёр.
Қозоғистон автомобилининг номи ва унинг қачон бозорга чиқиши ҳам ҳозирча маълум эмас.
Эслатиб ўтамиз, айни дамда Қозоғистонда Lada, Kia, Hyundai, Skoda, Chevrolet ва Iveco номли автомобиллар ишлаб чиқарилмоқда, лекин ўз автомобиль бренди Қозоғистонда ҳеч қачон бўлмаган.
Статистик маълумотларга кўра, ўтган йил Қозоғистонда 60 минг дона янги автомобиль сотилган. Улардан ярми – Республика ичида ишлаб чиқарилган автомобиллар. 2017 йилга нисбатан автомобиль савдоси ҳажми 24 фоизга ўсган.
Изоҳ (0)