Тайвань божхонасида этаклари остида 24 та қумсичқон олиб ўтмоқчи бўлган аёл қўлга олинди. Бу ҳақда «Корреспондент.net» хабар бермоқда.
Маълум бўлишича, 60 ёшлик аёл Хитойдан қайтаётганда қўлга олинган. Аёлнинг ғалати юришлари божхона ходимларида шубҳа уйғотган. Текширувлар натижасида аёл этаги остида 24 та қумсичқон бекитганлигини аниқланган. Уларнинг ҳар бири алоҳида капрон пайпоқларда бўлиб, оёқларига боғланган ҳолда бўлган.
Аёлнинг таъкидлашича, уларни дўстларига совға қилиш учун Хитойдан сотиб олган.
Божхона хизматчилари эса уни божхона текширувининг нозик нуқтасини аниқлаш мақсадида жиноий ташкилот билан тил бириктирганликда гумон қилмоқда. Уларнинг тахминига кўра, аёл пул ишлаб олишни мақсад қилган бўлиши ҳам мумкин. Чунки Тайванда қумсичқонлар Хитойга қараганда икки баравар қиммат.
Изоҳ (0)