Олимлар Ернинг Апофис астероиди билан тўқнашиш хавфидан огоҳлантирди

Апофис астероиди 2068 йилда Ерга қулаши мумкин, деб хабар берди «AiF.ru».

Петербург давлат университети осмон механикаси кафедраси томонидан тайёрланган ҳисоботда ана шундай хулосага келинган.

Олимларнинг маълумотларига кўра, 2029 йилнинг 13 апрелида ушбу самовий жисмнинг Ер билан ўта яқинлашиши кузатилади. Уларнинг орасидаги масофа 38 минг километр бўлади. Бу эса сайёрага Ердан Ойгача бўлган масофадан ўн баравар яқинроқ деганидир.

2068 йилдаги тўқнашиш эҳтимолига қадар, ҳисоб-китобларга кўра 325 метр катталикдаги Апофис астероиди 2044 йилда Ерга 16 миллион, 2051 йилда 760 минг, 2060 йилда 5 миллион километрга яқинлашади.

Апофис астероиди 2004 йилда аниқланган ҳамда Қадимги Миср жаҳл ва бузғунчилик Худоси шарафига номланган.

Олимларнинг қайд этишича, 2029 йилдаги яқинлашувдан сўнг астероид ўз орбитасини ўзгартириши ва кейинги қайтишида Ер билан тўқнашиши мумкин.