2018 йил куз-қиш мавсуми давомида 100 дан ортиқ ҳолатда Тошкент вилояти ҳудудида яшаб келаётган фуқаролар томонидан уйларида иссиқхоналар ташкил қилиб, табиий газдан ноқонуний фойдаланиб келганлиги аниқланган. Бу ҳақда ЎзА хабар берди.
Тошкент вилояти бўйича газ таъминоти ҳудудий филиалининг ҳисоб-китобига кўра, ҳуқуқбузарлардан жами 324.207.770 сўм зарар ундирилган.
Масалан, Тошкент туманида яшовчи Ш.Д томонидан 36 сотих ер майдонига иссиқхона ва 8 сотих ер майдонида товуқхона ташкил қилиб, табиий газ тармоғига ўзбошимчалик билан уланган ҳолда фойдаланган.
Натижада «Тошкенттумангаз» таъминот участкасига жами 72.744.000 сўм зарар етказилган. Ш.Д зарарни тўлиқ қоплагани боис, ЖКнинг 852-моддаси 6-қисмига асосан жавобгарликдан озод этилган.
Изоҳ (0)