2014 йил 16 январда Жиззах вилояти Зомин туманида туғилган Сарвиноз Норбоевага чуқур лимфобластик лейкоз, 1-фаол даври ташхиси қўйилган. У ҳозирда пойтахтдаги гематология ва қон қуйиш илмий текшириш институти клиникаси 1-болалар бўлимида даволаниб келмоқда.
Жорий 2018 йилнинг май ойида Сарвинознинг лимфа безлари шишиб мазаси қочади. Жиззахда унга туберкулёз деб ташхис қўйишади. Шифокорлар бу менинг касалим эмас, дея аниқ ташхис қўя олишмаган.
Оила қизча билан роса сарсон бўлишган. Икки ойдан сўнг уни қайта текширувдан ўтказишган. Бу сафар унга лейкоз ташхиси қўйилган.
Онасининг сўзларига кўра 2018 йилнинг 18 август куни таҳлил топширилганида, қонда оқ қон доначалари кўп экани ҳақида маълум бўлган.
Оила уйидаги бор маблағни сарфлаб бўлган. Ҳозирда боласини даволатиш масаласида анча қийинчиликка дуч келган. Ҳатто яшаб турган уйини ҳам сотмоқчи бўлишган. Лекин уйда улардан ташқари оила боқувчисининг ота-онаси ҳам яшайди. Бошқа борадиган жойлари қолмаган.
«Дорилари, ижара ҳақи жуда қиммат. Курсларни давом эттиришга бизнинг имкониятимиз етмаяпти, шунинг учун саховатпеша инсонлардан ёрдам сўрашга мажбур бўляпмиз. Яхши инсонлар кўмагига муҳтожмиз», — деди кўзларида ёш билан онаси Нурхон Лапасова.
Ҳозирда Сарвиноз иккинчи курс кимёвий муолажаларни бошдан ўтказмоқда. Навбатда тугалланмаган 12 та курс бор. Бу курсларни ўташ учун моддий таминотдан жуда катта маблағ талаб этилади. Курсларни давом эттиришга, дориларни олишга оиланинг иқтисодий аҳволи ночорлиги тўсқинлик қилмоқда.
Оила қарзлари кўплиги сабабли нархи жуда қиммат бўлган дори-дармонларни олишга жуда қийналмоқда.
Ҳурматли юртдошлар, азиз ватандошлар Сарвинознинг соғайиб кетишига ўз ҳиссамизни қўшайлик. Имкон қадар холис моддий ёрдам кўрсатайлик.
Қўшимча маълумотлар:
Отаси Алишер Тошбоев номига очилган пластик карта рақами:
Click/PayMe: 8600-0417-8328-8922 (Агробанк)
Паспорт маълумотлари: Алишер Тошбоев
Паспорт рақами: АБ 9914950
Телефон: +99893 293 82 72 (Отаси Алишер Тошбоев)
Изоҳ (0)