Instagram᾽да тухум сурати бир неча кун ичида 25 миллиондан зиёд лайк тўплаб, янги рекорд ўрнатди. Бу ҳақда Sputnik хабар берди.
https://www.instagram.com/p/BsOGulcndj-/?utm_source=ig_embed
Шу кунга қадар америкалик модель Кайли Женнер қизалоғи Сторми билан тушган сурати Instagram оламидаги энг машҳур сурат ҳисобланарди. Ушбу сурат 18 миллиондан зиёд лайк тўплашга муваффақ бўлган.
Шу йилнинг 4 январь куни Instagram᾽да World Record Egg саҳифаси тухум суратини жойлаштириб, қуйидаги изоҳни қолдирди: «Келинг, биргаликда Instagram᾽нинг ўтган йилги рекордини янгилаймиз ва бу суратни энг машҳур қиламиз. Кайли Женнер рекордини янгилаймиз».
Эртаси куни ушбу сурат 9 миллион лайк тўплади, 10 соатдан сўнг эса лайклар сони бўйича Кайли Женнер рекордини ортда қолдирди.
BuzzFeed News нашрининг маълум қилишича, Instagram᾽даги саҳифани Британия қишлоғидан бўлган Генриетта исмли товуқ юритади.
Изоҳ (0)