Австралия бош вазирининг матбуот хизмати унга иккинчи чап оёқни чизиб қўйди

Ижтимоий тармоқ фойдаланувчилари Австралия бош вазири Скотт Моррисоннинг суратида унинг иккинчи чап оёғини пайқаб қолган. Бу ҳақда «Дождь» хабар берди.

Бош вазирнинг матбуот хизмати суратни унинг пойабзалини «тозалаш» мақсадида Photoshop’да чизганини тан олди.

Моррисоннинг рафиқаси ва икки нафар фарзанди билан тушган сурати унинг шахсий сайти учун туширилган эди. Сурат ижтимоий тармоқ фойдаланувчиларининг кулгусига сабаб бўлди, улар сурат остига суратни ўзларининг талқинларида #shoegate хештеги остида жойлашни бошлаган.

#auspol story of 2019: our latest PM (ScoMo) had nice white shoes photoshopped onto his feet for his official https://t.co/eXNtcX7xTa site?! Yup. Regular bloke. Our tax dollars hard at work. #shoegate pic.twitter.com/kA0gG0yy9L

— lukerhn (@lukerhn) January 8, 2019

Бош вазир матбуот котибининг сўзларига кўра, сурат унинг рухсатисиз таҳрирланган.