Токио балиқ бозоридаги аукционда оғирлиги 278 килограмм бўлган тунец балиғи салкам 3,1 миллион АҚШ долларига сотилди, деб хабар бермоқда The Japan Times нашри.
Маълум қилинишича, тунец балиғини Sushi Zanmai ресторан тармоғининг эгаси Киеси Кимура сотиб олган. «Мен яхши балиқ сотиб олдим. Нарх одатдагидан кўра қимматроқ, лекин бизнинг харидорларимиз ушбу ажойиб тунецни мазза қилиб тановул қилишади, деган умиддаман», — деди Кимура.
Шу кунгача, тунец балиғининг аукцион савдоларидаги рекорд нархи 2013 йилда, Япониянинг Сикидзи балиқ бозорида ўрнатилган. Ўшанда 200 килограммлик балиқ 1,8 миллион АҚШ долларга сотилган.
Изоҳ (0)