Ўзбекистон Республикаси Ер ресурслари, геодезия, картография ва давлат кадастри давлат қўмитаси (Давергеодезкадастр) журналистлар ўртасида «Кўчмас мулкни рўйхатдан ўтказиш ва кадастр тизимини модернизациялаш» (КМРКТМ) лойиҳаси, КМРКТМ нинг мақсадлари, тадбирлар, натижалари, ушбу лойиҳа амалга оширилишидан давлат ва фуқаролар учун кўриладиган фойда» мавзусида танлов эълон қилган эди.
Қўмита ахборот хизматининг хабар беришича, танловга аризалар қабул қилиш муддати 2018 йил 31 декабрдан 2019 йил 31 январга қадар узайтирилган.
Мазкур танловни ўтказишдан мақсад, бу жамоатчилик диққатини энг долзарб ижтимоий масалаларга қаратиш ва КМРКТМ лойиҳасининг ижобий амалиёти ва жиҳатларини кенг ёритишдан иборатдир.
Асосий вазифа – КМРКМ лойиҳасининг давлат ва фуқаролар учун ижобий таъсирини кенг ёритиш ва тарғибот қилиш, Давергеодезкадастр қўмитаси ва кенг жамоатчилик, стейкхолдерлар ва профессионал уюшмалар ўртасидаги самарали ҳамкорлик намуналари тўғрисида маълумот бериб бориш. Танловда журналист текшируви ва репортаж жанрларида ёзилган мақолалар, шунингдек ижтимоий тармоқлардаги постлар кўриб чиқилади. Унда турли ОАВ да ишловчи ҳудудий журналистлар ҳамда ўзига хос ноёб контентларни яратаётган блогерлар иштирок этишлари мумкин.
Танловга электрон кўринишда «ОАВ Танлови» белгиси билан тақдим этиладиган материаллар 2019 йил 31 январгача Tanlov@ygk.uz манзили бўйича қабул қилинади.
Танлов якунлари Давергедезкадастр қўмитаси Facebook саҳифасида ва Telegram-каналида эълон қилинади.
Танлов ғолибларини тақдирлаш бўйича тантанали маросим 2019 йил февраль ойида Давергедезкадастр қўмитасининг биносида ўтказилади.
Тақдирлаш маросими ўтказиладиган сана ва жой ҳақида танлов лауреатларини аниқлаш ишлари якунланганидан кейин қўшимча маълумот берилади.
Изоҳ (0)