«Чанъэ-4» коинот қурилмаси 3 январь, пайшанба куни Ойнинг орқа томонига муваффақиятли қўнди. Бу ҳақда Хитой марказий телевидениеси маълум қилди, дея хабар беради «ТАСС».
«Қурилма тарихда илк бор Ойнинг орқа томонига енгил қўнишни амалга оширди. Бу Ер ва унинг табиий йўлдоши ўртасида алоқа ўрнатиш, шунингдек, Ойни тадқиқ этишда янги саҳифа бўлди», — дейилади репортажда.
«Чанъэ-4» Сичан космодромидан 8 декабрь куни учирилганди. Унинг асосий вазифаси Ойнинг кам ўрганилган орқа томонини тадқиқ этишдан иборат.
Изоҳ (0)