Янги йил байрамини кўтаринки руҳда ўтказиш, халқимиз кайфиятини янада чоғ қилиш мақсадида, республика бўйича жами 293 та жойда 1 200 дан ортиқ байрам тадбирлари ўтказилиб, оммавий концерт дастурлари ташкил этилди. Ушбу байрам тадбирлари тинч ва осуда, ортиқча кўнгилсиз воқеа ва ҳодисаларсиз ўтиши учун ички ишлар органлари ходимлари томонидан кеча-ю кундуз кучайтирилган тартибдаги хизмат олиб борилди. Бу ҳақда Ўзбекистон Республикаси ИИВ Жамоатчилик ва оммавий ахборот воситалари билан алоқалар бошқармаси хабар бермоқда.
Натижада республиканинг барча вилоят, шаҳар ва туманларидаги байрам тадбирлари кўнгилдагидек ўтказилиб, ҳеч қандай қўпол ҳуқуқбузарлик ҳолатлари юз бермади. Ҳозирда ҳам байрам арчалари ўрнатилган масканларда ички ишлар органлари ходимлари томонидан жамоат хавфсизлигини таъминлаш борасида кучайтирилган тартибдаги хизмат давом эттирилмоқда.
Изоҳ (0)