24 декабрь куни Жиноят ишлари бўйича Когон шаҳар суди томонидан Бухоро вилоят ИИБ 1-сонли жазони ижро этиш колониясида сайёр суд мажлиси бўлиб ўтди. Бу ҳақда Жиноят ишлари бўйича Когон шаҳар суди ахборот хизмати «Дарё» га хабар берди.
Сайёр суд мажлисида, дастлаб 21 нафар маҳкумга нисбатан жазони ижро этиш муассасаси томонидан киритилган тақдимномалар кўриб чиқилиб, Ўзбекистон Республикаси Жиноят-ижроия кодексининг 113-моддасига асосан умумий тартибли колонияда жазони ўтаётган маҳкумлар манзил-колонияга ўтказилди.
Шундан сўнг муассаса томонидан 4 нафар маҳкум бўйича жиноят қонунчилигидаги инсонпарварлик принципини қўллаш ҳақидаги илтимосномалари кўриб чиқилди.
Хусусан, муассасада жазони ўташ тартиб-қоидаларига тўлиқ риоя этиб, меҳнатга ҳалол муносабатда бўлган 1 нафар маҳкум муддатидан илгари шартли равишда озод қилинган бўлса, 3 нафар маҳкумнинг ўталмай қолган озодликдан маҳрум этиш жазо муддатини ахлоқ тузатиш ишлари жазосига алмаштирилиб, озодликка чиқарилди.
«Сайёр суд мажлиси давомида маҳкумлар ўз қилмишларидан пушаймонлиги, Янги йил байрами арафасида яқинлари бағрига қайтишга имкон берилганидан миннатдор эканлигиниини билдириб, келгусида ҳалол меҳнат ва соғлом турмуш тарзини танлашга ваъда берди», — дейилади хабарда.
Изоҳ (0)