Тошкент вилояти ИИБ Йўл ҳаракати хавфсизлиги бошқармаси ходимлари ёнғин хавфсизлиги хизмати билан ҳамкорликда вилоят ҳудудидаги автомобилларга газ қуйиш шохобчаларида газ баллонларидан фойдаланишда хавфсизлик қоидаларига риоя этилишини таъминлаш, фавқулодда ҳолатларда тезкорлик билан бажарилиши лозим бўлган тадбирлар тўғрисида тарғибот суҳбатлари ўтказмоқда, деб хабар берди ЎзА.
Тарғибот табирларида масъул ходимларга газ қуйиш шохобчасига келган ҳар қандай транспорт воситасининг газ баллонига оид ҳужжатларини ҳамда газ баллонларининг яроқлилигини текшириш, камчиликлар аниқланган ҳолларда газ қуйишдан четлатиш, меъёридан ортиқ газ ёқилғиси қуймаслик, ўз навбатида, ҳайдовчиларга ҳам газ баллондан фойдаланишда хавфсизлик қоидаларига риоя этилиши тушунтириб ўтилди.
«Бундан кўзланган асосий мақсад, фуқаролар хавфсизлигини таъминлаш, қолаверса, фавқулодда ҳолатларда зудлик билан бажарилиши лозим бўлган ишлар бўйича ҳайдовчилар ҳамда масъул ходимларда кўникма ҳосил қилишдир.
Тошкент вилоят ИИБ ЙҲХ бошқармаси, унинг жойлардаги бўлим ва бўлинмалари томонидан айни вақтга қадар 32 та газ қуйиш шохобчасида ана шундай тарғибот суҳбатлари ташкил этилди. Бу борада олиб борилаётган тадбирлар давом этади», — дейилади хабарда.
Изоҳ (0)