Ўзбекистонда 2019 йилнинг 1 январидан бошлаб иш стажи ва пенсияларни ҳисоблаш тартиби ўзгаради. Мазкур ўзгаришлар «Фуқароларнинг давлат пенсия таъминоти тўғрисида»ги қонунда келтирилади, дея хабар беради «Turon 24».
Пенсияларни ҳисоблашнинг янги ҳажми Пенсия жамғармасига суғурта бадалларини бекор қилиш ҳисобига ўзгарди.
Пенсияни ҳисоблаб чиқариш учун иш ҳақига, шунингдек, иш ҳақининг натурал қисмига:
2019 йил 1 январга қадар бўлган давр учун қонун ҳужжатларига мувофиқ суғурта бадаллари ҳисобланадиган меҳнатга ҳақ тўлаш тарзидаги барча даромадлар;
2019 йил 1 январдан кейинги давр учун қонун ҳужжатларига мувофиқ ҳисобланган меҳнатга ҳақ тўлаш тарзидаги барча даромадлар қўшилади.
Иш вақтини ҳисобга олиб бўлмайдиган ходимларнинг (якка тартибдаги тадбиркор ва у томонидан ёлланган ходимнинг, деҳқон хўжалиги ва оилавий тадбиркорлик субъекти аъзосининг) пенсиясини ҳисоблаб чиқариш учун олинадиган иш ҳақининг миқдори:
2019 йил 1 январга қадар бўлган давр учун Молия вазирлиги ҳузуридаги бюджетдан ташқари Пенсия жамғармасига тўланган суғурта бадалларининг миқдоридан;
2019 йил 1 январдан кейинги давр учун тўланган ягона ижтимоий тўлов миқдоридан келиб чиққан ҳолда аниқланади.
Изоҳ (0)