Давлат думаси соддалаштирилган схема асосида президент томонидан Россия фуқаролигига номзодларни танлаш ҳуқуқини берувчи қонун лойиҳасини учинчи, якуний ўқишда қабул қилди. Бу ҳақда «ТАСС» хабар бермоқда.
Изоҳ хатида ташаббуснинг гуманитар йўналтирилганлиги қайд этилган. Россия фуқаролигини тезлаштирилган тартибда уруш ҳудудларида, шунингдек, мураккаб ижтимоий-сиёсий ва иқтисодий муҳитдаги мамлакатларда яшаётган одамлар олиши мумкин бўлади. Хусусан, қонун лойиҳаси билан Украина фуқароларининг кўчирилиши ҳам соддалаштирилади.
Янги соддалаштирилган тартибга кўра, президент томонидан ажратилган хорижликлар гуруҳи Россия паспортини беш йил давомида Россияда яшамай, рус тилини билмай туриб ҳам олиш имкониятига эга бўлади. Бундан ташқари, айрим тоифалар мавжуд бўлган бошқа фуқароликдан ҳам чиқишдан озод этилади.
Владимир Путин Россия фуқаролигини беришни либераллаштириш ҳақида июнь ойида эълон қилганди. Унинг сўзларига кўра, ушбу жараённи соддалаштириш турли муаммоларни, биринчи навбатда демографик муаммони ҳал этишда ёрдам беради.
Изоҳ (0)